Davvi Dearvvašvuođadoaimmahat vuođđuduvvui ođđajagimánu 1. b. 2002 go stáhta váldii badjelasas fylkkasuohkaniid buohcceviessodoaimma. Davvi Dearvvašvuođadoaimmahaga ulbmil lea Davvi-Norgga ja Svalbárdda álbmogii fuolahit dárbbašlaš spesialistadearvvašvuođabálvalusaid.

Min višuvdna lea:
"Pasieanta galgá oažžut rievttes gealbbu rievttes áigái ja válljet alcces Davvi Dearvvašvuođadoaimmahaga divššu. Galgá válljet divššu davvin, gos ássá."

Stáhta eaiggáduššá, Dearvvašvuođa- ja fuolahusdepartemeantta bokte, Davvi Dearvvašvuođadoaimmahaga. Davvi Dearvvašvuođadoaimmahaga jođiha sierra stivra ja hálddahus lea Budeajjus.

Dearvvašvuođadoaimmahagat
Buohcceviesut leat organiserejuvvon vihtta dearvvašvuođadoaimmahagaide (HF):

Finnmárkku dearvvašvuođadoaimmahat HF

Davvi-Norgga universitehtabuohcceviessu HF

Nordlánda skihppijviesso HF

Helgelaanten skiemtje gåetie HF

Dasto lea vel:

Davvi Buohcceviessoapotehka HF

Dearvvašvuođadoaimmahagain leat sierra stivrrat ja leat iešheanalis riektesubjeavttat.