Davvi Dearvvašvuohta lea guorahallan man ollu sámi álbmot geavaha spesialistadearvvašvuođabálvalusaid, ja man muddui bálvalus dárbbašuvvo. Buohtastahttojuvvon leat sámit geat orrot sámi giellahálddašanguovllu gávcci suohkaniin ja earát geat orrot 11 mearragáttesuohkaniin, gos orrot hui unnán sámit. 

- Guorahallama analiisa orru čájeheamen ahte sámit geat orrot giellahálddašanguovllus ožžot seammá buori bálvalusaid go eará olbmot geat orrot eará suohkaniin Davvi Dearvvašvuođa guovllus, cealká Jan Norum, Davvi Dearvvašvuođa fágadirektevra. 

Røntgen ja borasdávda

Guktot buohtastahttojuvvon albmotjoavkkut háliidit seamma dávjá beassat somáhtalaš spesialistadearvvašvuođabálvalussii. Sámit fitnet hárvvibut røntgenis go lea sáhká CT-røntgenis, ultrajienas ja eará radiologalaš guorahallamiin. Muhto, sámit fitnet dávjjibut MR-røntgenis. Dábálaš røntgena geavahit guktot joavkkut seamma dávjá. Sámiin lea hárvvibut borasdávda (čižžeboras ja geahpesboras). Guktot joavkkut besset seamma álkkit suoŋardeapmái jos borasdávda fuomášuvvo. 

Psyhkalaš dearvvašvuohta

Buohtastahttojuvvon joavkkuin ii leat makkárge erohus. Sii geavahit psyhkalaš dearvvašvuođabálvalusaid seammá dávja ja seammá guhká. Bákkolaš dikšu ii geavahuvvo eambbo háviid sámi giellaguovllus go eará sajiin. Muhto, jos giellaguovllu almmáiolmmoš lea geavvan bákkolaš dikšui, de ii biso psyhkalaš divššus seammá guhká go earát. 

- Mii áigut guorahallat movt sámi nissonat hárvvibut šaddet gillát čižžeborasdávdda, ja maid guorahallat manne soapmásat eai oro seammá guhka go earát psykiatriija divššus, cealká fágadirektevra Jan Norum Davvi Dearvvašvuođas. 

Davvi Dearvvašvuođa ii leat vel analiseren gárrenmirkkodivššu loguid, ii ge leat analiseren veajuiduhttindivššu loguid. Dáid pasientajoavkkuid várra berre guorahallat ovddasguvlui. 

Ášši boahtá stivrra ovdii ja áššebáhpirat leat dárogillii. 

Eambbo dieđuid addá gulahallandirektevra Kristian Iversen Fanghol, tlf. 95076075