Hei, du må oppdatere nettleseren din for å kunne besøke oss.

Mat leat digitála diimmut?

Maŋimuš jagiid leat buohcciviesuin leamaš buoret vejolašvuođat doallat digitála diimmuid pasieanttaiguin. Dát sáhttá addit ođđa vejolašvuođaid ja stuorát fleksibilitehta sihke pasientii ja dearvvašvuođabargiide. Digitála diibmu lea juogo video- dahje telefovdnakonsultašuvdna.

Digitála diimmuid sáhttá máŋgga oktavuođas geavahit ollislaš molssaeaktun fysalaš oassálastimii, ja dat leat mielde  buohcciviesuid refušuvdnavuođus. Dat mearkkaša ahte iešmáksu telefovdna- ja videokonsultašuvnnain lea seamma go njálmmálaš konsultašuvnnain. Jus leat joksan friddjakoartráji, de it dárbbaš máksit iešmávssu. Jeara iežat doaktáris jus jurddašalat sáhttá go konsultašuvnna čađahit telefovnna dahje video bokte.

Lea eaktodáhtolaš dadjat juo digitála diimmuide. Jus don gohččojuvvot digitála diibmui ja háliidivččet fysalaš diimmu, de sáhtát váldit oktavuođa buohcciviesuin ja bivdit dan. Fuomáš ahte sirdin fysalaš áigái sáhttá dagahit guhkit vuordináiggi.

Don oaččut reivve mas bovdet du videokonsultašuvdnii mas čuožžu áigi ja liŋka videokonsultašuvdnii. Don oaččut maid dán liŋkka SMS bokte ovdal diimmu, ja sáhtát maid logget sisa helsenorge.no ja gávdnat liŋkka mii guoská du diibmui. 

Ovdalgo diibmu álgá, de rabat liŋkka videočoahkkimii ja boađát vuordinlatnjii. Doavttir luoitá du čoahkkinlatnjii go lea du vuorru, muhto seamma ládje go fysalaš diimmuin sáhttet maŋŋoneamit. Danne mii bivdit du leat olámuttus ovtta diimmu dan rájes go diibmu álgá. 

Jus ságastallan galgá lohkkojuvvot videokonsultašuvdnan, de dat ferte: 

  • Boahtit konsultašuvnna sadjái mii muđui livččii čađahuvvon fysalaš boahtimiin báikái (dahje videokonsultašuvnnain)
  • Váldonjuolggadussan lea ahte lea plánejuvvon, muhto sáhttá maiddái šiehtaduvvot oanehis áiggis jus pasieantta dárbu dan gáibida 
  • Mielddisbuktá duohta dearvvašvuođaveahki ja leat konsultašuvnnalágan dan dáfus ahte dat:
    • lea dálkkodeaddji ja buohcci gaskkas
    • mielddisbuktá iskat/dieđuid viežžat pasieanttas árvvoštallan dihte dearvvašvuođadili dahje divššu, dahje bagadit viidásit čuovvoleami ja divššu birra
    • boađusin lea árvvoštallat viidáset divššu mii buorida pasieanta ovddideamen pasieantta dearvvašvuođa dili
    • duođaštuvvo pasieantajournálas seamma ládje go dalle go pasieanta fysalaččat boahtá poliklinihkkii.

Jus dárbbašat eanet dieđuid videokonsultašuvnna birra, de oaččut dan dáppe:

Helsenorge – Videotimer med sykehus

Oaččut reivve mas bovdet du telefovdnakonsultašuvdnii mas čuožžu áigi ja dieđut guđe telefovdnanummarii doavttir riŋge dutnje. Doavttir riŋge dutnje go lea du vuorru, muhto nugo fysalaš deaivvademiin, de sáhttet leat maŋŋoneapmi. Danin mii bivdit ahte leat olámuttos ovtta diimmu dan rájes go diibmu álgá.

Vai ságastallan sáhttá atnojuvvot telefovdnakonsultašuvdnan, de ferte:

  • Buhtadit konsultašuvnna mii muđui livččii čađahuvvon fysalaš boahtima bokte (dahje videokonsultašuvnna bokte)
  • Váldonjuolggadussan lea ahte lea plánejuvvon, muhto sáhttá maiddái šiehtaduvvot oanehis áiggis jus pasieantta dárbu dan gáibida
  • Mielddisbuktá duohta dearvvašvuođaveahki ja das leat konsultašuvnna iešvuođat dan dáfus ahte dat:
    • lea dálkkodeaddji ja buohcci gaskkas
    • mielddisbuktá iskkadeami /dieđuid viežžat pasieanttas árvvoštallan dihte dearvvašvuođadili dahje divššu, dahje bagadit viidásit čuovvoleami ja divššu birra
    • boađusin lea árvvoštallan viidáset divššu mii lea mielde ovddideamen pasieantta dearvvašvuođa dili
    • duođaštuvvo pasieantajournálas seamma ládje go dalle go pasieanta boahtá fysalaččat poliklinihkkii

Mii ii leat telefovdnakonsultašuvdna?

Dutnje pasieantan mearkkaša dát praktihkalaččat ahte it dárbbaš máksit iežasoasi čuovvovaš áššiin: 

  • Telefonoktavuohta áššedieđuid viežžamis, diibmošiehtadusaid mearrideamis dahje eará hálddahuslaš ulbmiliid birra
  • Álkis diehtu geahččalanvástádusaid birra, muhto dalle ii leat rávven
  • Telefonoktavuohta earáiguin go pasieanttain dahje oapmahaččaiguin/váhnemiiguin/fuolaheddjiin
  • Álkes oktavuođa váldimat čuovvulit ovddeš divššu. Ovdamearkka dihte telefovdna ovdal dehe maŋŋel čuohpadeami gos doavttir jearrá álkes gažaldagaid árvvoštallat leago dárbu eanet dárkkistit buohcciviesus.
Maŋemus ođastuvvon 2025-05-21