Goanstajierpmi (GJ) geavaheapmi journálačállimis

Reaidu galgá dahkat álkibun ja jođáneabbon čállit journálanotáhtaid, nu ahte divššár sáhttá bidjat eanet áiggi ságastallat duinna ja du dikšumii.

Maid dát mearkkaša dutnje?

Go goanstajierbme-reaidu galgá geavahuvvot ságastallamis, de galgá divššár addit dutnje dieđuid dan birra. Don sáhtát vaikko goas dadjat jus it háliit ahte reaidu geavahuvvo, dahje jus háliidat ahte dat bissehuvvo gaskan ságastallama.

GJ-reaidu  nuppástuhttá dan mii daddjojuvvo du ja du divššára ságastallamis čálusin. Maŋŋel ságastallama ráhkada reaidu evttohusa journálanotáhttii man dušše divššár oaidná. 

Divššáris lea álo ovddasvástádus journálanotáhtii. Dat mearkkaša ahte divššár geahččá sisdoalu, divvu jus leat meattáhusat ja lasiha dárbbašlaš árvvoštallamiid ovdal go notáhtta dohkkehuvvo ja sirdojuvvo pasieantajournálii. 

Ságastallan ii báddejuvvo. Jietna meannuduvvo ságastallanbottu ja sihkkojuvvo dađistaga. Dan dihte ii sáhte dan maŋŋel gullat dahje viežžat. 

Čálus ja journálanotáhttaevttohus sihkkojuvvojit GJ- reaiddus go gárvves notáhtta lea sirdojuvvon pasieantajournálii, dahje automáhtalaččat 24 diimmu maŋŋel. Dieđut eai sáhte máhcahuvvot maŋŋel go leat sihkkojuvvon.

Lea dat gárvves ja dohkkehuvvon journálanotáhtta mii vurkejuvvo dábálaš pasieantajournálii. Don sáhtát lohkat notáhta Helsenorges seamma ládje go eará journálanotáhtaid. 

Mot du dieđuiguin? 

Du dieđut galget gieđahallojuvvot sihkkaris ja ovddasvástáduslaš vuogi mielde. Dušše dieđut mat leat dárbbašlaččat dearvvašvuođaveahki ja journálačállima várás, galget gieđahallojuvvot.

Jávohisvuođageasku gusto seamma ládje go eará pasieantadivššus.  Davvi Dearvvašvuohta lea árvvoštallan ja dohkkehan reaiddu dán geavaheapmái, ja dat galgá deavdit diehtosihkarvuođa ja persovdnasuodjaleami gáibádusaid.
Dieđut ságastallamis eai geavahuvvo hárjehallat GJ-modeallaid. 

Du mielváikkuheapmi ja du vuoigatvuođat

Sáhttá leat amas ahte goanstajierbme-reaidu geavahuvvo ságastallama oktavuođas dearvvašvuođabargiiguin. Don leat bures boahtin jearrat, jus dus leat gažaldagat dan birra mo reaidu geavahuvvo, mo journálanotáhtta ráhkaduvvo, dahje mo du dieđut gieđahallojuvvojit.

Don sáhtát biehttalit dan reaiddu geavahit ságastallamis dahje bivdit ahte geavaheapmi bissehuvvo.  Journálanotáhta čállojuvvo dalle dábálaš vugiin. Dát ii váikkut dearvvašvuođaveahkkái dahje dikšumii maid oaččut. 

Jus dus leat gažaldagat "Hupman-čállinárvalussii" geavaheami birra dahje mo du dieđut gieđahallojuvvojit, de sáhtát jearrat iežat divššáris.